Manifestu Komunistari keinu eginez hasi zen Zantzoa aldizkariaren aurreneko zenbakia, 1996ko udazkenean: "Mamu batek zeharkatzen du Arratia: literaturaren mamuak". Arteako Gazteak eta Arratiako Gazte Elkartearen laguntza eskertzen zuten beti taldeko zazpi egileek: Shaktale (Aritz Zubiate), Okendo (Nagore Amondarain), Stanley (Igor Estankona), B.A.B.A. (Kepa Betzuen), Iragorri (Iker Iurrebaso), Artipa! (Borja Estankona) eta maketatzaile lanetan Mak (Matxalen Legarreta). Argitaratu zituzten bost aleetan poemak dira kopuruz nabarmen nagusi, tipografia molde ugariz konposatuak. Hurrenkera honetan agertu ziren lehen lau zenbakiak: 1996ko udazkenean eta 1997ko udabarrian, udagoienean eta neguan; azkena ontzeak, ostera, urtebete eskatu zuen, 1998ko neguan. Idazle asko itzuli eta aipatu zaleak ziren Zantzoakoak: Brecht, Pessoa, Garcia Lorca, Cortazar, Rodari, Dario, Poe, Espriu, Suarez, Kavafis, Diego, Aresti, Atxaga eta, batez ere, Sarrionandia